„ცარა - ველური წლები" მოგვითხრობს ამბიციურ ჟურნალისტზე და მის მონაწილეობაზე ქალთა განმათავისუფლებელ მოძრაობაში 1970-იანი წლების დასაწყისში, როდესაც იგი ებრძვის ყოველკვირეულ, პოპულარულ ჟურნალს. ეს ის დროა, როდესაც ახალი გამოცდილებები მკვიდრდება მოდაში, პოპ-კულტურაში, სექსსა და პოლიტიკაში. გერმანია ამ მოდას აყოლილი ქვეყანაა, მაგრამ ამასთანავე პოლიტიკის, ბიზნესისა და მედიის ძალაუფლების პოზიციები კვლავ მხოლოდ მამაკაცების ხელთაა.

ცარა ვულფი ახლახანს შეუერთდა ჟურნალის სარედაქციო ჯგუფს და მტკიცედ აქვს გადაწყვეტილი ებრძოლოს საზოგადოებაში დამკვიდრებულ სტერეოტიპებს და ყოველდღიურ მოძველებულ ქცევებს. იგი იყენებს ყველა მეთოდს და შესაძლებლობას თავის მკითხველს მოუთხროს ფემინიზმის, ქალთა ემანსიპაციისა და სხვადასხვა პრობლემის შესახებ. თუმცა, მუშაობის დაწყებისთანავე იგი მამაკაცების მხრიდან წინააღმდეგობას აწყდება.

ცარა გადაწყვეტს დაუპირისპირდეს ჟურნალის მთავარ რედაქტორს, რომელსაც არ სურს მისი ტექსტების დაბეჭდვა. ამ გადაწყვეტილებაში მას მხარს უჭერს გამომცემელი. მათ მალე უერთდებიან ადგილობრივი პოლიტიკოსებიც. ცარა რისკავს ბევრს და იძენს ძლიერ მტრებს. როდესაც ის საზოგადოების ცვლილების პროცესში ერთვება, მისი ცხოვრება და ემოციური მდგომარეობა ქაოსში და არეულობაში გადადის.

გადაცემები