ხარება და გოგია

1987 136წთ. (16)

ხარება ჯიბუტი იძულებული ხდება, ტყეში ყაჩაღად გავარდეს. მას მალევე შეუერთდება ჭიდაობისას გაცნობილი და ძმად შეფიცული ცნობილი ფალავანი გოგია კენკიშვილი, შემდეგ კი სხვებიც მიემატებიან. ხარება და მისი გუნდი ტყეში დაიდებენ ბინას. ისინი იტაცებენ სახაზინო ფულს, იარაღს, ხოცავენ პოლიციელებს, ფულს ართმევენ მდიდარ ვაჭრებსა და მეცხვარეებს, თუმცა ღარიბებს არ ერჩიან, ხანდახან ეხმარებიან კიდეც და ამის გამო, მათ ბევრი თანამგრძნობი გამოუჩნდებათ უბრალო ხალხში. პოლიცია ნადირობს ყაჩაღებზე, მაგრამ, მათ ხელში ჩაგდებას ვერ ახერხებს. საბოლოოდ, ყაჩაღთა ჯგუფის გასანადგურებლად დამსჯელ რაზმს აგზავნიან, შტაბსკაპიტან ახვლედიანის მეთაურობით, რომელიც არაფერს ერიდება მიზნის მისაღწევად. ხალხის დაშინების, დასჯის, მოსყიდვისა და გადაბირების მეშვეობით, მოახერხებს რაზმის განდევნას, ალყაში მოქცევასა და განადგურებას.
რეჟისორი - გიორგი შენგელაია, როლებში: ომარ ფხაკაძე, ლევან თედიაშვილი და სხვ.